साहित्यकृती पुरस्कार

१९९५ साली ग्रंथालयाच्या शतकोत्तर रौप्यमहोत्सव प्रसंगी आदरणीय कवयित्री इंदिरा संत यांनी ग्रंथालयास भेट दिली. येथील ग्रथसंपदा, ग्रंथालयाचा इतिहास व विविध उपक्रम पाहून त्यांनी स्वेच्छेने ग्रंथालयाचे सभासदत्व स्वीकारले व देणगीही दिली. इंदिरा संतांच्या या भेटीची स्मृती चिरंतन राहावी या उद्देशाने त्यांनी दिलेल्या देणगीतून प्रतिवर्षी वाचनालयातर्फे उत्कृष्ठ काव्यसंग्रहास इंदिरा संतांच्या नावे पुरस्कार देण्याच्या नव्या उपक्रमाचा शुभारंभ करण्यात आला. इचलकरंजी साहित्य संमेलन स्मृती ट्रस्ट तसेच शहरातील ग्रंथप्रेमिंच्या उदार अर्थसहाय्यामुळे कथासंग्रह, कादंबरी, ललित गद्य, मराठ गद्य, अनुवाद, बालसाहित्य तसेच लक्षणीय गद्य व पद्य अशा विविध विभागातील पुस्तकांना दरवर्षी पुरस्कार दिले जातात.

आपटे वाचनालयाच्या ग्रंथ पुरस्कारासाठी राज्याच्या कानाकोपऱ्यातून नवोदित लेखकांची पुस्तके येतात. स्वतंत्र परीक्षक नेमून ग्रंथांचे परीक्षण केले जाते व त्या त्या वर्षाच्या साहित्य संमेलनाच्या अध्यक्षांच्या हस्ते पुरस्कार वितरणाचा समारंभ आयोजित करण्यात येतो. मराठी साहित्य जगतात या पुरस्कारांनी आपले वैशिष्ठ्यपूर्ण स्थान निर्माण केले आहे. मराठी साहित्य जगतात आपटे वाचन मंदिराचे हे पुरस्कार प्रतिष्ठेचे समजले जातात.

इंदिरा संत उत्कृष्ठ काव्यसंग्रह पुरस्कार

साहित्य संमेलन स्मृती ट्रस्ट पुरस्कृत उत्कृष्ठ गद्य पुरस्कार

इंदिरा संत विशेष लक्षणीय काव्यसंग्रह पुरस्कार

विशेष लक्षणीय गद्य पुरस्कार

कै.सौ.आशाताई सौंदत्तीकर कथासंग्रह पुरस्कार

स्थानिक साहित्यिक गौरव पुरस्कार

केराबाई शेळके कादंबरी पुरस्कार

उत्कृष्ट अनुवाद पुरस्कार

शामराव भिडे ललित गद्य पुरस्कार

पार्वती शंकरराव तेलसिंगे बाल साहित्य पुरस्कार

वि. मा. शेळके (गुरुजी) उत्कृष्ट कादंबरी पुरस्कार

महादेव बाळकृष्ण जाधव उत्कृष्ट अनुवादित साहित्यकृती पुरस्कार